അനുബന്ധ വാര്ത്തകള്
- കിരീടത്തില് അഭിനയിക്കാന് മോഹന്ലാല് എത്ര ലക്ഷം പ്രതിഫലം വാങ്ങിയെന്ന് അറിയാമോ?
- തെലുങ്ക് ചിത്രത്തില് വില്ലനായി അഭിനയിക്കാന് മമ്മൂട്ടിയുടെ പ്രതിഫലം മൂന്ന് കോടി ! ഞെട്ടി ആരാധകര്
- 'ഞാന് അത്ര ശക്തനല്ലെന്ന് നീ ഉടന് മനസ്സിലാക്കും'; മകളോട് ടോവിനോ, വീഡിയോ
- വാപ്പച്ചിയോളം പ്രതിഫലം വാങ്ങുന്ന ചാലു ! ദുല്ഖറിന്റെ പ്രതിഫലം അതിവേഗം ഉയരുന്നു
- ഇന്ന് പ്രണയനായകന്, ഈ തമിഴ് നടനെ മനസ്സിലായോ ?
പ്രതിഫലത്തില് ഒന്നാമന് മോഹന്ലാല്, തൊട്ടുപിന്നില് മമ്മൂട്ടി; പൃഥ്വിരാജിനേക്കാള് പ്രതിഫലം ദുല്ഖറിന്, നിവിന് പോളെയെ കടത്തിവെട്ടി ഫഹദ്
മലയാള സിനിമയിലെ സൂപ്പര് താരങ്ങള് മുതല് യുവതാരങ്ങള് വരെ വാങ്ങുന്ന പ്രതിഫലത്തിന്റെ കണക്ക് പുറത്തുവിട്ട് ഐഎംഡിബി. മെഗാസ്റ്റാര് മമ്മൂട്ടിയേക്കാള് ഇരട്ടി പ്രതിഫലമാണ് കംപ്ലീറ്റ് ആക്ടറും ആരാധകരുടെ ലാലേട്ടനുമായ മോഹന്ലാല് വാങ്ങുന്നതെന്നാണ് കണക്ക്.
മോഹന്ലാല് ആണ് മലയാളത്തില് ഏറ്റവും കൂടുതല് പ്രതിഫലം വാങ്ങുന്ന താരം. ഒരു സിനിമയ്ക്ക് വേണ്ടി എട്ട് കോടി മുതല് 17 കോടി വരെ മോഹന്ലാല് വാങ്ങിക്കുന്നുണ്ട് എന്നാണ് അറിയുന്നത്. കഴിഞ്ഞ വര്ഷം മമ്മൂട്ടിയുടേതായി വളരെ കുറച്ച് സിനിമകളെ പുറത്തിറങ്ങിയുള്ളു. മാത്രമല്ല നാല് കോടി മുതല് 8.5 കോടി വരെയാണ് ഒരു സിനിമയില് അഭിനയിക്കാന് മമ്മൂട്ടി വാങ്ങിക്കുന്ന തുക.
മോഹന്ലാലിനും മമ്മൂട്ടിക്കും തൊട്ടുപിന്നില് മമ്മൂട്ടിയുടെ മകന് ദുല്ഖര് സല്മാന് ഉണ്ട്. ബോളിവുഡിലടക്കം ഹിറ്റ് സിനിമകളില് അഭിനയിച്ച് തിളങ്ങി നിന്ന ദുല്ഖറിന് പിതാവിനോളം പ്രതിഫലം ലഭിക്കുന്നുണ്ട് എന്നതാണ് ശ്രദ്ധേയം. മൂന്ന് മുതല് എട്ട് കോടിയോളമാണ് ദുല്ഖര് ഒരു സിനിമയ്ക്ക് വാങ്ങുന്നത്. അതിവേഗം പ്രതിഫലം ഉയര്ത്തുന്ന താരങ്ങളില് ഒരാളാണ് ദുല്ഖര് എന്നും റിപ്പോര്ട്ടുകളുണ്ട്. പൃഥ്വിരാജ് സുകുമാരന് മൂന്ന് മുതല് ഏഴ് കോടി രൂപ വരെ പ്രതിഫലം വാങ്ങുന്നുണ്ട്.
ഫഹദ് ഫാസില് ഒരു സിനിമയ്ക്ക് വേണ്ടി 3.5 മുതല് 6 കോടി വരെയാണ് വാങ്ങിക്കുന്നത്. നിവിന് പോളിയുടെ പ്രതിഫലം മൂന്ന് മുതല് ആറ് കോടി രൂപ വരെയാണ്. ദിലീപ് ഒരു സിനിമയില് അഭിനയിക്കാന് ഇപ്പോള് മൂന്ന് കോടിക്കടുത്ത് പ്രതിഫലം വാങ്ങുന്നുണ്ട്.
