വയനാട് സമ്പൂര്ണ വാക്സിനേറ്റഡ് ജില്ല; 18 തികഞ്ഞ എല്ലാവര്ക്കും ആദ്യ ഡോസ് നല്കിയെന്ന് കലക്ടര്
വയനാട് സമ്പൂര്ണ വാക്സിനേറ്റഡ് ജില്ലയായെന്ന് കലക്ടര് അദീല അബ്ദുള്ള. വയനാട് ജില്ലയില് 18 വയസിന് മുകളില് പ്രായമുള്ളവരില് ലക്ഷ്യംവച്ച മുഴുവന് പേര്ക്കും ആദ്യ ഡോസ് നല്കിയെന്ന് കലക്ടര് പറഞ്ഞു. കോവിഡ് പോസിറ്റീവായവര്, ക്വാറന്റൈനിലുള്ളവര്, വാക്സിന് നിഷേധിച്ചവര് എന്നിവരെ ഈ വിഭാഗത്തില് നിന്നും ഒഴിവാക്കിയിട്ടുണ്ടെന്നും അദീല അബ്ദുള്ള ഫെയ്സ്ബുക്ക് പോസ്റ്റില് പറഞ്ഞു. ജില്ലയില് 6,16,112 പേര്ക്കാണ് ആദ്യ ഡോസ് വാക്സിന് നല്കിയത്. 2,13,311 പേര്ക്കാണ് രണ്ടാം ഡോസ് (31.67 ശതമാനം) വാക്സിന് നല്കിയെന്നും കലക്ടര് പറഞ്ഞു.
